မြန်မာနိုင်ငံရဲ့ နာမည်ကြီး Music Application တစ်ခု ဖြစ်တဲ့ JOOX Application က မြန်မာနိုင်ငံမှာ တွေ့ရခဲတဲ့ ဂီတအမျိုးအစား တစ်ခုဖြစ်တဲ့ Funk ဂီတနဲ့ တစ်ခြားသော ဂီတအမျိုးအစားတွေ ပါဝင်မယ့် ကိုယ်ပိုင်သံစဉ် တေးသီချင်းတွေ စုစည်းထားတဲ့ တေးအယ်လ်ဘမ်တစ်ခုကို ထုတ်လွှင့်ပေးသွားမယ်လို့ သိရပါတယ်။ 

မြန်မာနိုင်ငံဟာ လက်ရှိမှာ Covid-19 ဒုတိယလှိုင်းကြောင့် အသွားအလာ ကန့်သတ်မှုတွေ ပြုလုပ်ထားပြီး ဂီတအနုပညာနဲ့ ပက်သက်တဲ့ ပွဲတွေကို ကျင်းပဖို့ ဆိုင်းငံ့ထားပေမယ့် နားဆင်သူ ပရိတ်သတ်များ အတွက်တော့ သီချင်းအသစ်တွေနဲ့ ဖျော်ဖြေရေး အစီအစဉ်တွေကို မျှော်လင့်နေဆဲ ဖြစ်ပါတယ်။ 

ဒါကြောင့် ဒီတစ်ခေါက်မှာတော့ JOOX အနေနဲ့ (၁၀၀) ရာခိုင်နှုန်း အရည်အသွေး ကောင်းမွန်တဲ့ Funk ၊ Soul ၊ Hip Hop ၊ Rock နဲ့ Pop စတဲ့ ကိုယ်ပိုင်သံစဉ် သီချင်း (၁၀)ပုဒ် စုပေါင်းထားတဲ့ “ရာနှုန်းပြည့် (JOOX ORIGINAL Album)” ကို ထုတ်လွှင့်မှာ ဖြစ်ပါတယ်။ 

ဒီအယ်လ်ဘမ်ကို JOOX မှ Full Stop. (ပုဒ်မ.) နဲ့အတူ ပူးပေါင်း တင်ဆက်ထားတာဖြစ်ပြီး Fireworks Music Production မှ ချမ်းအေးဝင်းက Music Producer အနေနဲ့ ပါဝင်ထားပါတယ်။ သီချင်း (၁၀) ပုဒ်အတွက် နိုင်ငံကျော် အဆိုရှင် (၁၁)ဦးမှ သီဆိုပေးသွားမှာ ဖြစ်တယ်လို့လည်း သိရပါတယ်။

နိုဝင်ဘာလ (၂၂) ရက်နေ့မှာတော့ အယ်လ်ဘမ်ရဲ့ ပထမဆုံး သီချင်းတစ်ပုဒ်ဖြစ်တဲ့ တင်ဇာမော်ရဲ့ “သတိ! Q ဝင်နေသည်” သီချင်းက ပထမဆုံးအနေနဲ့ ထွက်ရှိလာတာ ဖြစ်ပြီး နိုဝင်ဘာ (၂၈) ရက်နေ့မှာတော့ အောင်လနဲ့ ဝိုင်စုခိုင်သိန်းတို့ရဲ့ “ ချစ်တော့ချစ်တယ် အလိုမလိုက်ဘူး “ ဆိုတဲ့ သီချင်း ထပ်မံ ထွက်ရှိလာတာ ဖြစ်ပါတယ်။ 

အယ်လ်ဘမ်မှာ ပါဝင်မယ့် အဆိုရှင်များကတော့ … 

• တင်ဇာမော် 
• ဝေလ
• အောင်လ နှင့် ဝိုင်းစုခိုင်သိန်း
• စန္ဒီမြင့်လွင်
• Eternal Gosh၊ 
• Thatee  
• Shine
• မင်းခန့်
• Grace နဲ့ 
• ထက်သီရိတို့က ပါဝင် သီဆိုထားတာ ဖြစ်ပါတယ်။ 

ရာနှုန်းပြည့် အယ်လ်ဘမ်ကိုတော့ အောက်ပါလင့်ခ်မှာ ဝင်ရောက် နားဆင်နိုင်ပါတယ်။

>> https://bit.ly/2V7fc1i