ရာသီခွင် (၁၂) ခုစလုံးမှာ လွှမ်းမိုးခံထားရတဲ့ Energy တွေ ရှိပြီးသား ဖြစ်ပါတယ်။ ကိုယ့်ရာသီခွင်ရဲ့ Energy နဲ့ ကိုယ်က လိုက်ဖက်အောင်မနေရင် အဆင်မပြေမှုတွေ ဖြစ်လာတတ်ပါတယ်။ ဒါကြောင့် ဘယ်လိုအပြုအမူတွေက ဘယ်ရာသီခွင်ရဲ့ Energy ကို ကျဆင်းစေလဲဆိုတာ မျှဝေပေးလိုက်ပါတယ်။

၁။ ARIES (MARCH 21 – APRIL 19)

Aries တွေက ထက်ထက်မြက်မြက်နဲ့ သွက်သွက်လက်လက် ရှိရပါတယ်။ အဲ့လိုမှ မဟုတ်ဘဲ အမြဲ ထိုင်းမှိုင်းနေရင် Energy ကျစေပါတယ်။ ဒါကြောင့် ကိုယ်လက်လေ့ကျင့်ခန်း လှုပ်ရှားမှုလေးတွေ များများ လုပ်ပေးသင့်ပါတယ်။

၂။ TAURUS (APRIL 20 – MAY 21)

Taurus တွေက များသောအားဖြင့် စိတ်ဓာတ်မာကျောတဲ့ သူတွေပါ။ ဒါကြောင့် သူတို့အနေနဲ့ လွယ်လွယ်နဲ့ မျက်ရည်မကျသင့်ပါဘူး။ စိတ်အခန့်မသင့်တိုင်း ဝမ်းနည်းပြီး ငိုနေတာမျိုးဆိုရင် Energy ကျစေပါတယ်နော်။

၃။ GEMINI (MAY 22 – JUNE 21)

Gemini ဖွားတွေရဲ့ ပင်ကိုယ်စိတ်ကိုက တခြားသူတွေအတွက် နားလည်ရခက်တာမို့ အမြဲ ပွင့်ပွင့်လင်းလင်းနဲ့ ပြောဆိုတတ်တဲ့သူတွေပါ။ ဒါကြောင့် Gemini ဖြစ်ပြီး ရင်ငုံနှုတ်ပိတ်နေတာတွေ၊ မျိုသိပ်နေတာတွေ များလာရင် Energy ကျတတ်ပါတယ်။ 

၄။ CANCER (JUNE 22 – JULY 22)

Cancer တွေကျတော့ ဆက်ဆံရေးပြေပြစ်ပြီး ဖော်ရွေကြတဲ့သူတွေပါ။ အနားမှာ ဘယ်သူမှ မရှိဘဲ တစ်ယောက်တည်းဆို အဆိုးဘက်တွေ တွေးတတ်ကြလို့ တစ်ယောက်တည်းနေတာမျိုး၊ အထီးကျန်ဆန်နေတာမျိုးဆို အဆင်မပြေပါဘူး။

၅။ LEO (JULY 23 – AUGUST 22)

Leo တွေက သူများထက် ရှေ့ပြေးချင်တဲ့သူတွေ၊ ရဲရင့်ပြတ်သားသူတွေ၊ ဦးဆောင်နိုင်သူတွေ ဖြစ်ကြပါတယ်။ Leo ဖြစ်ပြီး သူများနောက်လိုက်ဘ၀နဲ့ ကျန်နေခဲ့တာမျိုး၊ ပေါ့ပေါ့လေးနေပြီး ရေသာခိုနေတာမျိုးဆို Energy ကျပါတယ်။  

Advertisement

Click Here > Charming Garment MFG Co.Ltd. (Textile)

၆။ VIRGO (AUGUST 23 – SEPTEMBER 22)

Virgo တွေကျတော့ စည်းစနစ်ကြီးတဲ့သူတွေ၊ အသုံးဖြုန်းနည်းတဲ့သူတွေ ဖြစ်ပါတယ်။ ဒါကြောင့် Virgo မှန်ရန် မလိုအပ်ပဲ ပစ္စည်းတွေ ဝယ်တာ၊ ဖရိုဖရဲနေတာ၊ အစာရေစာ ဖြုန်းတီးတာမျိုးတွေ မလုပ်ပါနဲ့။

၇။ LIBRA (SEPTEMBER 23 – OCTOBER 22)

Libra ရဲ့ Sign ကိုက ချိန်ခွင်ဆိုတာ အားလုံး သိပြီးသားပါ။ ဒါကြောင့် Libra ရာသီဖွားတွေဆို စကားပြောမမှန်တာမျိုး၊ ဘက်လိုက်တာမျိုး၊ မမျှတတာမျိုးတွေ လုံ၀ မလုပ်သင့်ပါဘူး။

၈။ SCORPIO (OCTOBER 23 – NOVEMBER 22)

Scorpio တွေက ဖြောင့်မတ်တဲ့ စိတ်ထားရှိသူတွေ၊ သစ္စာရှိတဲ့သူတွေ ဖြစ်တာကြောင့် အပျက်စကားတွေပြောတာ၊ ပျာယာခတ်တာတွေက သူ့ရဲ့ Energy နဲ့ မကိုက်ပါဘူး။ 

၉။ SAGITTARIUS (NOVEMBER 23 – DECEMBER 21)

Sagittarius ဆို ငြိမ်ကုပ်နေတာ၊ တစ်နေရာမှာ အထိုင်ချတာ၊ စာအုပ်ကြီးအတိုင်း သွားတာဆို သူ့ Energy နဲ့ မလိုက်ပါဘူး။ ဒါကြောင့် Sagittarius မှန်ရင် အသစ်အသစ်တွေကို အမြဲ စူစမ်းလေ့လာ ရှာဖွေနေသင့်ပါတယ်။ 

၁၀။ CAPRICORN (DECEMBER 22 – JANUARY 20)

Capricorn တွေက လက်တွေ့ဆန်တဲ့သူမျိုးတွေဖြစ်ပြီး သူများပြောရုံနဲ့ မယုံဘဲ ကိုယ်တိုင်တွေးခေါ်ဆင်ခြင်ပြီးမှ ယုံတတ်ကြပါတယ်။ သူတို့ကိုယ်တိုင်ကလည်း စကားကို ဖြစ်သလို ပြောတတ်ကြတဲ့သူတွေ မဟုတ်ပါဘူး။ ဒါကြောင့် Capricorn တွေဆို စိတ်အလိုမလိုက်ပါနဲ့။ စကားကို ပြီးစလွယ် မပြောပါနဲ့။ 

၁၁။ AQUARIUS (JANUARY 21 – FEBRUARY 18)

Aquarius တွေကျတော့ သူများအကြောင်းကို စိတ်မဝင်စားဘဲ ကိုယ့်အထာနဲ့ကိုယ် နေတတ်တဲ့ အေးအေးဆေးဆေးသမားတွေပါ။ ဒါကြောင့် Aquarius ဖြစ်ပြီး အတင်းအဖျင်း ပြောတာမျိုး၊ နားထောင်တာမျိုး လုပ်ရင် Energy ကျပါတယ်။

၁၂။ PISCES (FEBRUARY 19 – MARCH 20)

Pisces ရာသီခွင်တွေရဲ့ Quality ကိုက ရိုးရှင်းတာ၊ နူးညံ့သိမ်မွေ့တာပါ။ စကားပြောရင်လည်း အေးအေးလေးလေးနဲ့ ယဉ်ကျေးသိမ်မွေ့ပါတယ်။ Pisces ဖြစ်ပြီး ကိုယ်နှုတ်အမူအရာ ကြမ်းကြမ်းတမ်းတမ်း နေရင် Energy မကောင်းနိုင်ပါဘူး။ 

Source From Witchy Candy