Wear OS Smartwatch တွေမှာ ဖုန်းမလိုဘဲ Google Maps စတင်သုံးနိုင်

Technology

Wear OS Smartwatch တွေမှာ ဖုန်းမလိုဘဲ Google Maps စတင်သုံးနိုင်

Thadar Ni Than 10 Jan, 2023

Google Maps Now Works On Wear OS Without Pairing With A Phone

Wear OS ဆိုတာ Google ကနေ Smartwatch တွေအတွက် ထုတ်ပေးထားတဲ့ Operating System တစ်ခုဖြစ်ပါတယ်။

လက်ရှိမှာ စမတ်ဖုန်းနဲ့ ချိတ်ဆက်ပြီး Smartwatch မှာ ပါတဲ့ Features တွေကို အသုံးပြုနေရတယ်ဆိုပေမဲ့ အခုတစ်ခါကတော့ စမတ်ဖုန်းမလိုဘဲ Google Maps လမ်းကြောင်းကို အသုံးပြုနိုင်တဲ့ Feature အသစ်ကို Google က Wear OS system မှာ စတင် ထည့်သွင်းလိုက်ပြီဖြစ်ပါတယ်။

ဒါကြောင့် Wear OS system သုံးထားတဲ့ Smartwatch တွေမှာ စမတ်ဖုန်းနဲ့ ချိတ်ဆက်ထားစရာမလိုဘဲ Google Maps ရဲ့ Turn-by-Turn Navigation ကို အသုံးပြုနိုင်ပြီ ဖြစ်ပါတယ်။

Offline အသုံးပြုနိုင်ဦးမှာ မဟုတ်တဲ့အတွက် အင်တာနက်လိုင်းရှိဖို့တော့ လိုပါတယ်။ အင်တာနက်လိုင်းရှိဖို့ လိုတာကြောင့် LTE Support ပြုလုပ်တဲ့ Smartwatch တွေမှာပဲ အခု Update လုပ်လိုက်တဲ့ Feature အသစ်ကို ကောင်းကောင်း အသုံးပြုနိုင်မှာဖြစ်ပါတယ်။