မြန်မာနိုင်ငံမှာ ရာသီဥတုအနေဖြင့် နွေရာသီ၊ မိုးရာသီ၊ ဆောင်းရာသီဆိုပြီး (၃) မျိုးရှိပါတယ်။ ရာသီဥတုပြောင်းလဲတဲ့အပေါ်မူတည်ပြီး အဝတ်အစားတွေ၊ နေပုံထိုင်ပုံတွေနဲ့ အစားအသောက်တွေ လိုက်ပြောင်းလဲကြပါတယ်။ ဒါကလည်း ခေတ်ရေစီးကြောင်းနဲ့အညီ လိုက်စီးမျောတဲ့ သဘောတရားပါပဲ။

များသောအားဖြင့် မိုးရာသီနဲ့ ဆောင်းရာသီက အေးတဲ့ရာသီဖြစ်တော့ သိပ်အပြောင်းအလဲမဖြစ်ပေမယ့် နွေရာသီကတော့ ပူအိုက်တဲ့အတွက် သွားလာလှုပ်ရှားတဲ့အခါ အဝတ်အစားရွေးချယ်မှုက အရမ်းအရေးကြီးပါတယ်။ ကိုယ့်ရဲ့ ရွေးချယ်မှုပေါ်မူတည်ပြီးတော့ ရလဒ်ရဲ့ အကျိုးကျေးဇူးကိုလည်း ကိုယ်ပဲခံစားရမှာ ဖြစ်ပါတယ်။

နွေရာသီကြီးမှာ အင်္ကျီအထူကြီးဝတ်ပြီး အပြင်သွားတာက ဘယ်လိုမှအဆင်မပြေပါဘူး။ ပူအိုက်ပြီးနေရခက်စေမယ့်အပြင် အများအမြင်မှာလည်း ကြည့်ရဆိုးစေပါတယ်။ ဒါ့အပြင် နေရထိုင်ရခက်ပြီး ကိုယ့်ရဲ့ လုပ်ဆောင်မှု (Productivity) ကို ထိခိုက်နိုင်တဲ့အတွက် လုံးဝ (လုံးဝ) မပြုလုပ်သင့်ပါဘူး။

ဒါ့ကြောင့် နွေရာသီမှာ အပြင်သွားမယ်၊ အလုပ်သွားမယ်ဆိုရင် သွားမယ့် နေရာပေါ်မူတည်ပြီး သင့်တင့်မျှတစွာနဲ့ ပေါ့ပါးတဲ့ အဝတ်အစားတွေကို သေချာရွေးချယ်ပါ။

ယောက်ျားလေးတွေအနေနဲ့ Fashion ကျဖို့ထက် ရာသီဥတုနဲ့ကိုက်ညီပြီး သပ်သပ်ရပ်ရပ်နဲ့ သန့်ပြန့်နေအောင် ရွေးချယ်သင့်ပါတယ်။ မိန်းကလေးတွေကတော့ ပုံမှန်ထပ် ဂရုစိုက်သင့်ပါတယ်။ နွေရာသီဆိုတာ ပူအိုက်တတ်တဲ့အတွက် ချွေးထွက်လွယ်ပါတယ်။ ဒါ့ကြောင့် လေဝင်လေထွက်ကောင်းပြီး သက်တောင့်သက်သာဖြစ်စေမယ့် အဝတ်အစားမျိုးကို ရွေးချယ်ဝတ်ဆင်သင့်ပါတယ်။