Forbes Magazine ကနေ ယခုနှစ် ၂၀၂၁ ခုနှစ်အတွက် ထုတ်ပြန် ကြေညာလိုက်တဲ့ ကမ္ဘာ့ဩဇာအာဏာ အရှိဆုံး လူပုဂ္ဂိုလ်တွေထဲက နည်းပညာလောကမှာ လူသိများပြီး အောင်မြင် ကျော်ကြားနေသူ (၈) ဦးကို ဖော်ပြပေးလိုက်ပါတယ်။

1. Jeff Bezos ( CEO & Founder, Amazon )
2. Larry Page ( Cofounder & Board Member, Google )
3. Mark Zuckerberg ( CEO, Facebook )
4. Jack Ma ( Founder & Executive Chairman, Alibaba )
5. Tim Cook ( CEO, Apple )
6. Ma Huateng ( Chairman & CEO, Tencent Holdings )
7. Sergey Brin ( Cofounder & Board Member, Google )
8. Satya Nadella ( CEO, Microsoft )

အဲဒီလူပုဂ္ဂိုလ် (၈) ဦးရဲ့ လက်ရှိ လုပ်ကိုင်နေတဲ့ ကုမ္ပဏီတွေ၊ စီးပွားရေးလုပ်ငန်းတွေနဲ့ ပိုင်ဆိုင်မှုတွေအကြောင်း အသေးစိတ်ကိုလည်း အောက်မှာ သေချာ ဖတ်ကြည့်လို့ ရပါတယ်။

Jeff Bezos ( CEO & Founder, Amazon )

Jeff Bezos ဟာ ပထမဆုံး e-Commerce ပလက်ဖောင်းတစ်ခုဖြစ်တဲ့ Amazon ကို ၁၉၉၄ ခုနှစ်မှာ စတင် တည်ထောင်ခဲ့ပြီး လက်ရှိမှာ အမေရိကန်ဒေါ်လာ (၁၈၅) ဘီလီယံကို ပိုင်ဆိုင်ထားပါတယ်။ ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) ထဲမှာ နံပါတ် (၅) နေရာကို ရယူထားပြီး အခုအချိန်မှာ အသက် (၅၇) နှစ် ရှိပါပြီ။

ပြီးခဲ့တဲ့ ၂၀၂၀ ခုနှစ်က COVID-19 ကြောင့် တစ်ကမ္ဘာလုံးက စီးပွားရေးလုပ်ငန်း တော်တော်များများ ရပ်နားလိုက်ရပြီး ဝန်ထမ်းဦးရေတွေ လျှော့ချခဲ့ကြရပေမဲ့ Jeff Bezos ကတော့ ဝန်ထမ်းအင်အား (၂) သိန်းနီးပါးထိတောင် ထပ်ခန့်ခဲ့ပါတယ်။

Jeff Bezos ဟာ Amazon အပြင် စီးပွားရေလုပ်ငန်းကြော်ငြာသုံး ဒုံးပျံနဲ့ လေယာဉ်ပျံ တည်ဆောက်မှု နည်းပညာကုမ္ပဏီတစ်ခုဖြစ်တဲ့ Blue Origin နဲ့  နာမည်ကြီး သတင်းအေဂျင်စီတစ်ခုဖြစ်တဲ့ The Washington Post ကိုလည်း ပိုင်ဆိုင်ထားသူ ဖြစ်ပါတယ်။

Larry Page ( Cofounder & Board Member, Google )

၁၉၉၈ ခုနှစ်မှာ သူငယ်ချင်းဖြစ်သူ Sergey Brin နဲ့အတူ Google ကို စတင် တည်ထောင်ခဲ့ပါတယ်။ ၂၀၀၁ ခုနှစ်အထိ Google ရဲ့ CEO အဖြစ် တာဝန်ယူ ဆောင်ရွက်ခဲ့ပြီး ၂၀၁၉ နှစ်ကုန်ပိုင်းမှာ Parent Company ဖြစ်တဲ့ Alphabet ရဲ့ CEO ဖြစ်လာခဲ့ပါတယ်။

လက်ရှိမှာ အသက် (၄၇) နှစ်ရှိပြီ ဖြစ်ပြီး  အမေရိကန်ဒေါ်လာ (၉၁) ဘီလီယံကို ပိုင်ဆိုင်ထားပါတယ်။ ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) စာရင်းရဲ့ နံပါတ် (၁၀) နေရာမှာ ရပ်တည်နေပါတယ်။ 

Larry Page ဟာ အာကာသ စူးစမ်းရှာဖွေရေး ကုမ္ပဏီ Planetary Resources ကို မတည် တည်ထောင်ခဲ့သူ ဖြစ်ပြီး Kitty Hawk နဲ့ Opener ဆိုတဲ့ Startup တွေကိုလည်း ငွေကြေးထောက်ပံ့တာတွေ ပြုလုပ်ပေးနေပါတယ်။

Mark Zuckerberg ( CEO, Facebook )

Zuckerberg ဟာ ၂၀၀၄ ခုနှစ်မှာ အသက် (၁၉) နှစ်အရွယ် ကျောင်းသားတွေ အသုံးပြုဖို့အတွက် Facebook ကို စတင် တည်ထောင်ခဲ့တာ ဖြစ်ပါတယ်။ ၂၀၁၂ ခုနှစ်မှ အားလုံးအသုံးပြုနိုင်ဖို့ Public ဖွင့်ပေးခဲ့တာ ဖြစ်ပါတယ်။

Facebook ရဲ့ စတော့ရှယ်ယာ (၁၅) ရာခိုင်နှုန်းကို ပိုင်ဆိုင်ထားပြီး လက်ရှိ သူ့ရဲ့ ချမ်းသာကြွယ်ဝမှုကတော့ အမေရိကန်ဒေါ်လာ (၉၆.၇) ဘီလီယံ ဖြစ်ပါတယ်။ 

အသက် (၃၆) နှစ်သာ ရှိသေးပြီး  ဩဇာအာဏာအရှိဆုံး လူပုဂ္ဂိုလ်တွေထဲမှာ ဒုတိယ အသက်အငယ်ဆုံး စွန့်ဦးတီထွင်လူငယ်တစ်ဦး ဖြစ်ပါတယ်။ ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) ထဲမှာ နံပါတ် (၁၃) နေရာမှာ ရှိနေပါတယ်။ 

Jack Ma ( Founder & Executive Chairman, Alibaba )

Jack Ma ဟာ ကမ္ဘာ့အကြီးဆုံး e-Commerce ပလက်ဖောင်းတစ်ခုဖြစ်တဲ့ Alibaba ကို ၁၉၉၉ ခုနှစ်မှာ စတင် တည်ထောင်ခဲ့ပြီး လက်ရှိ အမေရိကန်ဒေါ်လာ (၆၁) ဘီလီယံကို ပိုင်ဆိုင်ထားပါတယ်။ ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) ထဲမှာ နံပါတ် (၂၁) နေရာက ပါဝင်နေပါတယ်။ 

၂၀၁၉ ခုနှစ်မှာ Yong Zhang ( Daniel Zhang လို့ လူသိများပါတယ်။ ) ကို Alibaba ရဲ့ CEO နေရာ ပေးပြီးတဲ့နောက်မှာ Jack Ma ဟာ Executive Chairman အဖြစ် ဆက်လက် တာဝန်ထမ်းဆောင်ခဲ့ပါတယ်။  လက်ရှိအချိန်မှာ အသက် (၅၆) နှစ် ရှိနေပါပြီ။

Jack Ma ဟာ Alibaba ကို အောင်မြင်စွာ လုပ်ကိုင်နေသလို တရုတ်နာမည်ကြီး မီဒီယာနဲ့ ဖျော်ဖြေရေး ကုမ္ပဏီ Huayi Brothers မှာလည်း ရင်းနှီးမြှုပ်နှံထားပါတယ်။

Tim Cook ( CEO, Apple )

Steve Jobs ကွယ်လွန်ပြီးတဲ့နောက် ၂၀၁၁ ခုနှစ်မှာ Tim Cook က Apple ရဲ့ CEO အဖြစ် ဆက်လက် တာဝန်ယူခဲ့ပါတယ်။ လက်ရှိမှာ အသက် (၆၀) နှစ်ရှိပြီ ဖြစ်ပြီး အမေရိကန်ဒေါ်လာ (၉၃၀) ဘီလီယံထက်မနည်း ပိုင်ဆိုင်ထားပါတယ်။ 

သူဟာ iPhone X, the Apple TV 4K, the iPad Pro, the Retina MacBook နဲ့ AirPods Products တွေကို ထုတ်နိုင်ခဲ့ပြီး 

Cook ဟာ အမေရိကန်မှာ အမြတ်အများဆုံး ရရှိတဲ့ စီးပွားရေးလုပ်ငန်းကို လည်ပတ်နေတာ ဖြစ်ပြီး နည်းပညာ၊ ဒီဇိုင်း၊ စာအုပ်ထုတ်ဝေရေး၊ ဖျော်ဖြေရေးစတဲ့ ကတွေမှာ အထူး ကျွမ်းကျင်သူ တစ်ဦးဖြစ်ပါတယ်။ ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) ထဲက နံပါတ် (၂၄) နေရာမှာ ရှိပါတယ်။

Ma Huateng ( Chairman & CEO, Tencent )

တရုတ်နိုင်ငံရဲ့ အကြီးဆုံး နည်းပညာကုမ္ပဏီဖြစ်တဲ့ Tencent ကို ၁၉၉၈ ခုနှစ်မှာ Ma Huateng ( Pony Ma လို့လည်း ခေါ်ကြပါတယ်။ ) က Naspers နဲ့အတူ တည်ထောင်ခဲ့ပါတယ်။ အမေရိကန်ဒေါ်လာ (၆၅) ဘီလီယံ ချမ်းသာပါတယ်။

Tencent ကနေ အင်တာနက်နဲ့ ဆက်နွယ်တဲ့ ဝန်ဆောင်မှုတွေ၊ ထုတ်ကုန်တွေကို ကမ္ဘာတစ်လွှား ရောင်းချနေတာ ဖြစ်ပြီး We Chat ကတော့ လူသုံးအများဆုံးနဲ့ အအောင်မြင်ဆုံးသော Messagaing App တစ်ခုဖြစ်ပါတယ်။ တစ်ကမ္ဘာလုံးမှာ အသုံးပြုသူ (၁) ဘီလီယံကျော် ရှိနေပါပြီ။

Ma Huateng ဟာ ဂိမ်းအပါအဝင် ဖျော်ဖြေရေးလုပ်ငန်းတွေမှာ အများဆုံး ရင်းနှီးမြှုပ်နှံမှုတွေ ပြုလုပ်ပါတယ်။ လက်ရှိအချိန်မှာ အသက် (၄၉) နှစ်ရှိပြီ ဖြစ်ပြီး ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) ထဲမှာ နံပါတ် (၂၇) နေရာမှာပါ။

Sergey Brin ( Cofounder & Board Member, Google )

Stanford တက္ကသိုလ်မှာ Computer Science ဘွဲ့လွန် တက်ရောက် သင်ကြားနေချိန် Larry Page နဲ့ သိကျွမ်းခဲ့ပြီးတဲ့နောက် ၁၉၉၈ ခုနှစ်မှာ Google ကို ပူးတွဲ တည်ထောင်ခဲ့တာ ဖြစ်ပါတယ်။ လက်ရှိမှာ အသက် (၄၇) နှစ်ရှိနေပါပြီ။ 

၂၀၁၉ ခုနှစ်မှာ Parent Company ဖြစ်တဲ့ Alphabet ရဲ့ ဥက္ကဥအဖြစ် တာဝန်ယူခဲ့ပါတယ်။ အမေရိကန်ဒေါ်လာ (၈၅.၈) ဘီလီယံကို ပိုင်ဆိုင်ထားပြီး ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) စာရင်းရဲ့ နံပါတ် (၃၅) နေရာမှာ ရပ်တည်နေပါတယ်။ 

Sergey Brin ဟာ သူ့ဘဝရဲ့ အချိန်တော်တော်များများကို Alphabet ရဲ့ လုပ်ငန်းခွဲတစ်ခုဖြစ်တဲ့ လကို သုတေသနဓာတ်ခွဲခန်း X မှာ ကုန်ဆုံးလေ့ ရှိပါတယ်။ လက်ရှိမှာ High-Tech Airship ပရောဂျက်တစ်ခုကို ငွေကြေးထောက်ပံ့မှုတွေ ပေးနေပါတယ်။

Satya Nadella ( CEO, Microsoft )

၂၀၁၂ ခုနှစ်မှာ Microsoft ကို စတင် ဝင်ရောက်ခဲ့ပြီး Cloud and Enterprise ဘက်ပိုင်းမှာ ဒုတိယဥက္ကဥအဖြစ် ဆောင်ရွက်ခဲ့ပါတယ်။ ၂၀၁၄ ခုနှစ်မှာ Microsoft CEO ဖြစ်တဲ့ Steve Ballmer ရဲ့ နေရာကို အစားထိုး တာဝန်ယူခဲ့တာ ဖြစ်ပါတယ်။

ကျရှုံးခါနီးဖြစ်နေတဲ့ ကုမ္ပဏီကို  Cloud Computing ဝန်ဆောင်မှုတွေနဲ့ ပြန်လည် အောင်မြင်အောင် လုပ်ဆောင်နိုင်ခဲ့ပြီး CEO တာဝန်ကို ထမ်းဆောင်ပြီးတဲ့နောက်မှာ Microsoft ရဲ့ စတော့ရှယ်ယာတွေဟာလည်း ၁၅၀ ရာခိုင်နှုန်းထိ ထိုးတက်လာခဲ့ပါတယ်။ 

Satya Nadella ဟာ အသက် (၅၃) နှစ်ရှိပြီ ဖြစ်ပြီး ကမ္ဘာ့ဩဇာအာဏာ အရှိဆုံး လူပုဂ္ဂိုလ် (၅၀) စာရင်းရဲ့ နံပါတ် (၄၀) နေရာမှာ ရှိနေပါတယ်။ သူ့ရဲ့ ပိုင်ဆိုင်မှုတန်ဖိုးကတော့ အမေရိကန်ဒေါ်လာ (၃၈၇) ဘီလီယံ ဖြစ်ပါတယ်။ 

နည်းပညာဆိုင်ရာ ကုမ္ပဏီတွေမှာ အလုပ်လုပ်နေသူတွေ၊ ကိုယ်တိုင် နည်းပညာနဲ့ သက်ဆိုင်တဲ့ ဝန်ဆောင်မှုလုပ်ငန်း လုပ်ကိုင်နေတွေ၊ နည်းပညာကို စိတ်ဝင်စားသူတွေအနေနဲ့ အပေါ်မှာ ဖော်ပြထားတဲ့ လူပုဂ္ဂိုလ်တွေ အကြောင်းကို သေချာလေး သိထားသင့်ပါတယ်။

သင်ရော ဒီလူ (၈) ဦးထဲမှာ ဘယ်နှစ်ဦးကို သိထားပြီးသားလဲ။ မသိသေးတဲ့သူရော ဘယ်နှစ်ဦးပါလဲဆိုတာ ပြောသွားပေးပါဦး။ စာရေးသူကတော့ (၆) ဦးနဲ့ သူတို့အကြောင်းကို သေချာ သိပါတယ်။