လာမယ့် တန်ဆောင်တိုင်ပိတ်ရက် နိုဝင်ဘာလ ၂၄ ရက်နေ့ကနေ ၂၇ ရက်နေ့အတွင်း မြန်မာ့မီးရထားမှ ခရီးသွားပြည်သူတွေအနေနဲ့ သွားရေးလာရေး အဆင်ပြေဖို့ အထူးခရီးစဉ်တွေ ပြေးဆွဲသွားဖို့ ရှိကြောင်း သိရပါတယ်။ အထူးခရီးစဉ်တွေ၊ ထွက်ခွာမယ့်အချိန်နဲ့ စျေးနှုန်းတွေကိုတော့ အောက်မှာ အပြည့်အစုံ ဖတ်ကြည့်နိုင်ပါတယ်။ 

တန်ဆောင်တိုင်ပိတ်ရက်မှာ ပြေးဆွဲသွားမယ့် အထူးရထားခရီးစဉ်တွေကတော့ ရန်ကုန်-နေပြည်တော်-ရန်ကုန်၊ ရန်ကုန်-မော်လမြိုင်-ရန်ကုန်နဲ့ ရန်ကုန်-ပြည်-ရန်ကုန်တို့ ဖြစ်ပါတယ်။ 

လက်မှတ်ခတွေကတော့ ပုံမှန်အတိုင်းဖြစ်ပြီး ရန်ကုန်-နေပြည်တော်နဲ့ နေပြည်တော်-ရန်ကုန် ခရီးစဉ်အတွက် ရိုးရိုးတန်း ၂,၈၀၀ ကျပ်၊ အထက်တန်း ၅,၆၀၀ ကျပ်၊ ရန်ကုန်-မော်လမြိုင်နဲ့ မော်လမြိုင်-ရန်ကုန် ခရီးစဉ်အတွက် ရိုးရိုးတန်း ၃,၅၅၀ ကျပ်၊ အထက်တန်းအတွက် ၇,၀၅၀ ကျပ်၊ ရန်ကုန်-ပြည်နဲ့ ပြည်-ရန်ကုန် ခရီးစဉ်အတွက် ရိုးရိုးတန်း ၃,၂၅၀ ကျပ်၊ အထက်တန်းအတွက် ၆,၄၅၀ ကျပ်တို့ ဖြစ်ပါတယ်။

အထူးရထားတွေအတွက် အထက်တန်းရထားလက်မှတ်တွေကို ၃ ရက်ကြိုတင် မှာရမှာ ဖြစ်ပြီး ရိုးရိုးတန်းရထားလက်မှ‌တ်ကိုတော့ ၁ ရက် ကြိုတင်ပြီး ရောင်းချပေးသွားမယ်လို့ မြန်မာ့မီးရထားဌာနက ထုတ်ပြန်ထားပါတယ်။

ရန်ကုန်ဘူတာကြီး (ရန်ကုန်) - ၀၁-၂၅၁၁၈၁၊ ၀၁-၂၀၂၁၇၆